ڕۆبۆت لەناو دەرمانخانەیگ لە دهۆک.. ئەزموونیگ ناوازە ئەرا خزمەت بیمارەیل
شەفەق نیوز/ لە یەکەمین گام لەیجویرە لە پارێزگای دهۆک، دکتۆر محمد مەجید، خاوەن دەرمانخانەیگ لە شارەگە، تەکنیک نوویگ هاوردە ناو کارەیل خزمەتی ئەرا بسینەیل، و پشتبەسین وە ڕۆبۆت لەناو دڵرمانخانەگەی، تا ئەزموون سەردانکەرەیل خاسەو بکەێد، و خزمەتەیل تەندروسی وەرەو نوا بوەێد.
ئەو ڕۆبۆتە پیشوازی لە بسینەیل کەێد، و دیاری وەپییان دەێد، تا رەوش دەورینییان خاسەو بکەێد، وەتایبەت کە فرەیان زیان لە رەوشەیل تەندروسی سەختیگ دیرن. دکتۆر محمد مەجید ئەرا ئاژانس شەفەق نیوز دیاری کرد کە ئامانج لەی گامە هاوردن تەکنەلۆژیای نوو ئەرا ناو کەرت خزمەتگوزاری تەندروسیە لە دهۆک، و ئاسانکردن هەڵسوبنیش بیماریەیل وەرد دەرمانخانەگە. وتیش؛ ئی کارە سەرتای زنجیرەیگ لە گەشەکردن بانان دروس کەێد کە وەکارهاوردن رۆبۆتەیلیگ گرێدەو توانای خوەنستن راچێتەیل پزشکی بیاشتوون، و دەرمان بیەنە بیمارەیل.ئی پڕۆژە گامیگ نووە ئەرا تیەکڵکردن تەکنەلۆژیا لەناو کەرت تەندروسی ئەرا خاسەوکردن کوالیتی خزمەتگوزاریەیل.
