بەیاننامەیگ لە ئاسایشەو لەباوەت کوشتن ژنیگ وە دەس پیاوەگەی لە هەولێر

ئاسایش لە بەیاننامەیگ رەسیە ئاژانس شەفەق نیوز راگەیان " توومەتبار (هـ.ر.ي) ساعەت 11:10 دویەشەو پەلامار ماڵ خەسویرەی دایە لە کویچەی (گوڵان) لە هەولێر وە مدوو گرفت خیزانی، لەری چەک کلانشینکۆفەو تەقە کردیە و بویەسە هووکار کوشیان ژنەگەی وە نا، ( ئەڤین) زەخمداریکردن خوەشکەگەی وە ناو (پەیمان) و خوەیشی دایەس وە دەس ئاسایش هەولێر".

لە بەیاننامەگە وتیش، " هیزەیل ئاسایش توەنستنە وە فەرمان دادوەر لێکۆڵەر کەسیگ وە ناو (م.ر) دەسگیربکەن ک چەک وە تاوانبارە سەرەکیەگە دایە و پەراو لێکۆڵینەوە ئەرا هەردگ توومەتبار وازکریاگە".

باوگ قوربانیەگە راگەیان، " شوی دویەتەی وە گولە پەلامار ماڵەگەیان دایە و ژنەی خوەی کوشتیە و خوەشکەیشی وە 10 گولە زەخمدار کردی ئیرنگە لە خەسخانەی هەولێر چارەسەر وەرگرێد و بارودۆخی ناجیگیرە".