بیگانە هاناویان.. سلێمانی: ١٤ کریکار لەماوەی ساڵ ٢٠٢٢ گیانیان لەدەس دانە

چالاک رەئووف سەرۆک سەندیکای کریکارەیل کوردستان لق سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: لەماوەی ساڵ ٢٠٢٢ (7122) کریکار لە سەندیکاگە توومار کریا، و (696) سەردان مەیدانی وەلایەن دەسەی بیوەیی ئەرا شوین کارەیل توومار کریا، وەگەرد سەردانکردن (3772) کریکار.

لەباوەت شمارەی مردنەیل، چالاک رەئووف وت: لە ماوەی ساڵ گوزەشتە، ١٤ مردن لەناو رز کریکارەیل لە سلێمانی توومار کریاگە، ٩ لەلیان عراقی بوینە و ٣ ئیرانی، و یەک تورک و یەک سوری.

رەئووف وتیش: (75%) لە کریکارەیل سلێمانی بیگانەن وەبان سێ ری وە شیوەی یاسایی تیەنە ناو، و رییگیش نا یاسایی وە شیوەی گەشتیاری، و رییگیش وەڕی کامپەیل پەنابەری تیەنە ناو، وتیش: (67%) لە کریکارەیل وەشیوەی یاسایی کار نیەکەن، و(53%) لە شوینەیلیگ کار کەن مووڵەت ساڵانە نووەو نەکردنە، و(82%) لە کریکارەیل پشوو مانگانە نەیرن.

 لەباوەت بیوەیی تەندروسی، رەئووف دیاری کرد ک کریکارەیل سلێمانی گەرەنتی تەندروسی وە ئاست (100%) نەیرن.