بڕیارە ئمساڵ یەکەمین ڤستواڵ هەورامان سازبکریەێد
شەفەق نیوز/ وە بەشداری هەردگ زانکۆی سنە و هەڵەبجە، یەکەم ڤستواڵ هەورامان لە خوەرئەڵات کوردستان وەڕیەو چوود و تەقەلای زیاتر ناساننن تایبەتمەنیەیل ئەو ناوچە وە مەردم ناوچەگە و جەهان دریەێد.
بڕیارە لە وەهار ئمساڵ ڤیستواڵەگە سازبکرێد و کار لەبان ناسانن زیاتر کەلتوور و جۊر ژیان و تایبەتمەندییەیل هەورامان بکریەێد.
لە یەکەم کۆبۊنەوەی وەڕێەوبەرەیل ڤستواڵەگە، مەهاباد کامیل سەرۆک زانکۆی هەڵەبجە راگەیان، “هەورامان گەنجینەیگ ئەدەبی، مێژوویی، فەرهەنگی و جوگرافیایی بی وینەس ک لە توومار جەهانی بۊیە وە دەسکەفتیگ پڕبایەخ و بایەت گشت تایبەتمەندییە شاریاوەیلەی ئەو ناوچەیە ئاشکەرا بکریەێد و تەقەلای زیاتر بدریەێدە ناسانن هەورامان وە جەهان و تەنیا جۊر تایبەتمەندییگ ناوخوەیی نەمینێد”.
هاووەخت، ڕەحمەت سادقی سەرۆک زانکۆی سنە راگەیان، “یەکیگ لە تایبەتمەندییە نایابەیل پارێزگایەیل سنە و کرماشان هەبۊن ناوچەی گەشتیاریی هەورامانە ک ئمساڵ جۊر ناوچەیگ جەهانی و خاوەن تایبەتمەنی لە یونسکۆ ناسریاگە”.
