بڕیاریگ لە بەرژەوەنی خوەنەواریل ناوچە کوردستانیەیل دەێشت هەرێم دەرکریا
2023-10-17T11:24:30+00:00
شەفەق نیوز/ وەزارەت خوەنستن باڵا و توێژینەوەیل زاستی هەموار رینماییگ کەێد ئەرا پیشکەشکارەیل رەسەن ناوچە کوردستانیەیل دەێشت ئیدارەی هەرێم کوردستان ئەرا خوەنستن ماستەر و دکتۆرا لە زانکۆگان.
وەزارەتەگە لە بەیاننامەیگ راگەیان " رێنمایی شمارە 11ی ساڵ 2023، کە تایوەتە وە هەموار پەنجەم رێنمایی دیپلۆم باڵا و ماستەر و دکتۆرا لە زانکۆ حکومییەیل هەرێم کوردستان هەموار کەێد".
وەپای رینماییەگە، وەزارەت خوەنستن باڵای هەرێم دیاریی کەێد، " پیشکەشکارە رەسەنەیل ناوچەیل کوردستانی دەێشت ئیدارەی هەرێم کوردستان، ئەگەر هات وە بەڵگەنامەیگ بچەسپنێد هاوڵاتی ئەو ناوچەن، لەهەمان وەخت نمرەی 10 وەرەوبان هاوردبوین لە جەم ئەو 30 نمرە تاقیکردنەوەی توانست زانستی دانریابوی، ئەوە وە وەرگیریاگ هەشمارکریەد.
لەباوەت لایەن دارایی خوێندن باڵا هەرێم ئویشێد " کرای خوەنین ساڵانەی ئەو فێرخوازەیلە وەشیوەی خۆرایی لە ئەستۆی زانکۆگەس".
