ئاوارەیگ ئێرانی لەوەردەم بارەگای نەتەوە یەکگرتگەیل لە هەولێر خوەی سزنێد
2021-05-18T11:46:03+00:00
شەفەق نیوز/ ئاوارەیگ کورد ئیرانی، ئمڕوو سێشەممە، لە وەردەم بارەگای نەتەوە یەکگرتگەیل لە هەولێر پایتەخت هەرێم کوردستان لە تەقەلای خوەیکوشتن ئاگر خوەی دا.
وەگورەی پەیامنێر ئاژانس شەفەق نیوز؛ ئاوارەگە لە وەردەم کامیرایل میدیایل راگەیانن بەنزین کردە بان خوەی و فەندەکیگ ئاگر خوەی دا، تا بەێدە زەوی، و کابرایگ رەسیە پیەو و ئاگرەگەی کپەو کرد.
وتیش؛ بەشیگ لە لەش کابراگە سزیا، و وەماشین فریاکەفتن سەروو نەتەوە یەکگرتگەیل وەرەو خەسەخانە بریا.
هەرلیوا، و هووکارەیل ئی تەقەلای خوەیکوشتنیە نەزانریا.
