ئاو واران پێەڵ "گەلی عەلی بەگ" نوقوم کەێد و ری بێخاڵ بەسێد...وینە
2024-01-14T12:17:11+00:00
شەفەق نیوز/ ئاوا واران رفتیگ کە لە شار هەولێر پایتەخت هەرێم کوردستان واری پێەلیگ لە یەکیگ لە ناوچە گەشتوگوزاری ناودارەیل ناوچەگە نوقوم کەێد.
سەرچەوەیگ ناوخوەیی وە ئاژانس شەفەق نیوز وت، "رێژەی ئاو لە ناوچەی گەلی عەلی بەگ وەشیوەی فرەیگ بەرزەوبویە و وە مدوو ئەو واران وارین رفتە دویەشەو واری و بویەسە مدوو نوقومبوین پێەڵ ناوچەگە، باوجی ئمڕوو وەرد وسیان وارانەگە کەمیگ داوەزیا".
سەرچەوەگە وتیش " وەڕێوبەرایەتی وەرگیری شارستانی سۆران شمارەیگ تیم ئەرا ئەو شوینەیلە کلکردیە کە رێژەی ئاو لەناوی بەرزەوبویە" دیاریکرد"ری بێخاڵ تا ئیسە وە مدوو پەنگخواردن ئاو بەسیاگە".
