پیاویگ لە هەولێر ژن خوەی کوشێد و گەنجیگ لە خانەقین خوەی دەێدە سێدارە

شەفەق نیوز/ وەڕێۆبەرایەتی پۆلیس پارێزگای هەولێر پایتەخت هەرێم کوردستان، ئمڕوو پەنجشەممە، خەوەردا لە پیاویگ لەناو هوتێیلیگ لەناوڕاس شار هەولێر ژنەگەی خوەی کوشت.

وەڕێۆبەرایەتیەگە لە بەیاننامەیگ ئمڕوو وت: لە ساعەت ١١ی دوێەشەو یاداشتیگ رەسیە پۆلیس خەوەر لە رووداو کوشتنیک لەناو هوتێل (ئەربیل گراند)، تا وەکوتپڕ تیمیگ لە پۆلیس فریاکەفتن بڕەسێدە شوین رووداوەگە.

بەیاننامەگە دیاری کرد ک دەرکەفت ک ژنیگ وەناو (لەیلان ئازاد محمد)  وەگولەی شویەگەی (ک، م، ح)  لەوەر گرفتەیلیگ کۆمەڵایەتی کوشیاگە.

وەگورەی بەیاننامەگە، توومەتبارەگە دریا دەس نووسینگەی دژە تاوان تا بخریەێدە دادگا.

لە رووداویگ تر، سەرچەوەیگ ئەمنی لە دیالە، خەوەردا لە خوەیکوشتن گەنجیگ وەسێدارەدان خوەی لە قەزای خانەقین.