ئاوەگەی بەنداو دوكان بەرزەو بوود
2021-12-21T08:01:47+00:00
شەفەق نیوز/ سەلام نەجم وەرپرس بەش هایدرۆلۆجی لە بەنداو دوكان راگەیان، لەوەر واران رووژەیل گوزەشتە 16 سانتیمەتر ئاست ئاو بەنداوەگە بەرزەو بۊێە، و لە ئیسەو دوو ملیار مەتر سێجا ئاوی هاناوی.
سەلام نەجم لە لێدوانیگ رووژنامەوانی وتیە، بەنداوەگە پشتی وە ئاو واران بەسیە، ئیسە وەرزەیل زمسان و وەهار مرنیە ئەرا گلداین ئاو، ئەگەر واران خاس بوارێد ئاست ئاوەگە زیاتر بەرزەو بوود.
وتیش: لەوەر باران وارین رووژەیل گوزەشتە ئاست ئاو بەنداوەگە 16 سانتیمەتر بەرزەو بۊێە، ئیسە دوو ملیار مەتر سێجا ئاو هاناوی، پەنج ملیار مەتر سێجای مەنیە تا پڕ بوود.
لەباوەت ئاست بەنداوەگە ئەرا دابینكردن كارەبا ئاشکراکرد ک ئاست ئاوەگە 488 مەترە و تا 479 مەتر توانای بەرهەمکردن كارەبا دیرێد، ئەگەر نۆ مەتر تر داوەزێد وێستگەی كارۆئاوی كار نێکەێد.
