ئامادەبوین فراوانیگ لە رووژ دویەم پیشانگای گەشتوگوزاری ناودەوڵەتی سلێمانی.. وینە
شەفەق نیوز/ کارەیل چاپ دویەم پیشانگای گەشتوگوزاری ناودەوڵەتی سلێمانی، ئمڕوو جمعە، ئەرا رووژ دویەم لەبانیەک وەردەوامە، کە ئامادەبوین فەرمی و میللی فراوانیگ توومار کرد.
حەسەن رەحیم وەڕیەوبەر گشتی پیشانگای سلێمانی ئەرا ئاژانس شەفەق نیوز وت: پیشانگاگە لە سلێمانی تا سێ رووژ وەردەوامە، وە چەودیاریکردن وەڕیوبەر گشتی گەشتوگوزاری لە سلێمانی و هاوکاری ژوور بازرگانی و پیشەسازی سلێمانی و کۆمپانیای "أطلس الأصيلة".
وتیش: نزیکەی ١١٠ کۆمپانیای ناوخوەیی و بیگانە لە هەشت دەوڵەت بەشداری کەن، تا بوودە سەکوویگ ئەرا نمایشکردن و دانوسەنین ئەزموونەیل لە گەشتوگوزار.
پەیامنێر ئاژانسمان دیاری کرد کە پیشانگاگە لە رووژ دویەمی، رێکخستن چالاکییەیل هەمەڕەنگ وەخوەی دی، لە هەڵقەیل باسکردن لەباوەت گەشتوگوزار کە کۆمپانیایل ناوخوەیی و ناودەوڵەتی کەێدە ئامانج، وەگەرد چەن چالاکییگ رووشنهویری.
لەی پیشانگا بڕیگ. ماشین فۆرویل و ماتووڕسکڵ و ماشینەیل جیاواز لە دەوڵەتەیلیگ جیاجیا نمایش کریەێد، کە هەمەڕەنگی نوویگ نشان دەێد.
پیشانگاگە لە ساعەت یانزەی شەوەکی تا شەش ئیوارە دەری واز کەێد، ئەوەیش لە پیشانگایل ناودەوڵەتی لە تاسلوجە باشوور شار سلێمانی.
