ئامادەباشی لە هەولێر وەمینەی مناڵیگ یە ٥ رووژە بیسەروشوینە
![ئامادەباشی لە هەولێر وەمینەی مناڵیگ یە ٥ رووژە بیسەروشوینە](https://media.shafaq.com/media/arcella/1674914343944.jpg)
شەفەق نیوز/ تیمەیل وەرگری شارستانی لە هەولێر پایتەخت هەرێم کوردستان، ئمڕوو شەممە، ئامادەباشی ئەرا پەیاکردن مناڵیگ راگەیانن ک یە پەنج رووژە بیسەروشوینە.
ئەیوب ئەحمەد، ئەو مناڵ ١٣ ساڵانە، لە رووژ سێشەممەی گوزەشتە لە ناوچەیگ نزیک جادەی ١٥٠ی لە شار هەولێر گوما بویە.
ئاژانس شەفەق نیوز پەیوەندی وەگەرد ئەحمەد باوگ ئەیوب کرد، وت: کوڕەگەی لە رووژ سێشەممەی گوزەشتە لە ساعەت 1:00 نیمەڕو لەماڵ دەرچگە ئەرا بازیکردن، و تا ئیسە گلەو نەخواردیە.
باوگ مناڵەگە وتیش: دویای ئەو ک مەسەلە پەیاکردنی شووردیمن، پەیوەندی وەگەرد هیزەیل ئاسایش کردیمن، و زانیاری لە مناڵەگە وەپیان دایمن، و دەسکردنە مینەکردن، و بڕیارە هەڵمەت گەورەیگ وە هەماهەنگی وەرد تیمەیل وەرگری شارستانی وە مینەکردنی راگەینن.
ئاژانسمان وەگەرد کارەیل مینەکردن ئەو مناڵ بیسەروشوینە وەردەوامە، ک تیمەیل وەرگری شارستانی سەگ چەودیاریکردن لەو شوینەیلە هاوردیە ک گومان هەس مناڵەگە لەناوی بوود، و هیمان مینەکردن وەردەوامە.