چالاکوانەیل وخەڵک خانەقین رازی وە دەرچگن هیزیەل کورد نیین و نوقڵانەی وسیانیگ ناڕەزایی دەن

چالاکوانەیل وخەڵک خانەقین رازی وە دەرچگن هیزیەل کورد نیین و نوقڵانەی وسیانیگ ناڕەزایی دەن
2022-10-09T11:04:10+00:00

شەفەق نیوز/ چالاکوانەیلیگ و خەڵک قەزای خانەقین، و جویراجویر چینەیلیان، ئمڕوو یەکشەممە، ناڕەزاییان لە هەر بڕیاریگ ئەمنی نشان دان، ک باس دەکردن هیزیەیل کورد لە ناوچەگە بکەێد، چوینکە بەشیگ سەرەکی وگرنگن لە سیستەم ئەمنی و کۆمەڵایەتی، و نوقڵانەی وسیانیگ ناڕەزایی دان ئەگەر داوایان جیوەجی نەکریەێد.

سەلام عەبدولڵا ئەندام دەسەی هەرەوەزی وەخاتر خانەقین ئەرا ئاژانس شەفەق نیوز وت: داوای ناڕەزایی فەرمی دایمنە ئیدارەی خانەقین، و لایەنەیل پەیوەندیدار وەرانوەر هەر بڕیاریگ وە دەرکردن ئاسایش وهیزەیل کورد لە خانەقین، ک ئەوەسا فیتنەیگ بی دەسپیچگ لەلی دەرچوود.

وتیش: هیزەیل کورد لە ساڵ ٢٠٠٣ تا ئیسە هانە خانەقین، و بەشیگ گرنگ و سەرکیین لە سیستەم ئەمنی ک ئاسایش و ئارامی و دڵنیایی لە گشت ناوچەیل خانەقین چەسپانن.

عەبدولڵا دووپات کرد ک چالاکوانەیل خانەقین داوا لە قایمقام خانەقین کردن، قسە وەرد دەسەڵاتەیل ئەمنی وە رەتکردن هەر بڕیاریگ بکەێد ئەرا دەرکردن کەرتەیل کورد لە خانەقین، و ئەگەر پەسەن نەکریا، خو وسیانیگ ناڕەزایی فراوانیگ لە رووژ سێشەممەی ئایندە ڕێک خەیمن،  ئەرا رەتکردن فیتنە وزانیاری هەڵە.

هەرلیوا، سەرچەوەیگ ئەمنی وت" گردەوبوینەیلیگ لە بنکەی ئاسایش ناوبەین هیزەیل فیدراڵی و فەرماندەیل کورد ئەنجا دریا، ئەرا رێکخستن کار ئەمنی و چارەکردن گشت گرفتەیل و ریگرەیل و هەماهەنگی کار ئەمنی هاوبەش لە خانەقین.

لەلای خوەییش، عوسمان عەبدولکەریم وەرپرس ئاسایش ئیدارەی گەرمیان وت: هویچ گرفیتگ ناوبەین ئاسایش وهیزەیل فیدراڵی نییە، و هەسی ئاسایش سرووشتیە وە هەماهەنگی ناوبەین هیزەیل فیدراڵی.

عەبدولکەریم ئەرا ئاژانس شەفەق نیوز دیاری کرد ک هیزەیل ئاسایش هانە ناو بنەکیلیان و گردەوبوین و هامشوو ناوبەین هەردوگلا وەردەوامە، وهویچ گیچەڵیگ نییە.

Shafaq Live
Shafaq Live