چالاکیەیل یەکەمین ڤیستواڵ ناودەوڵەتی پاییز لە هەولێر دەسوەپی کریا...وینە
ڤیستیواڵیگ ناودەوڵەتی لەبان زەوی پیشانگای هەولێر دەسوەپی کریا وە بەشداریکردن122 کۆمپانیای ناوخوەیی و بیانی کە لە 10 وڵات جیاواز هاتنە، وەپای پەیامنێر ئاژانس شەفەق نیوز.
لە پەراوێز چالاکیەیل ڤیستیواڵەگە پارێزگار هەولێر ئومێد خۆشناو وە رووژنامەوانەیل وت، سەنتەر پیشانگایەیل لە هەولێر ئامادەکاری ئاست بەرزیگ کردنە ئەرا ئی ڤیستیوالە، وتیش، ئیە یەکەمین ڤیستیواڵ ناودەوڵەتی بازاڕیکردن پاییزە لە هەولێر هاوکات وەگەرد دەسکردنە وە دەوام لە مەکتەوەیل کە دەستپێگ ساڵ خوەنینن نووە.
وتیش، ئەوەگ جی سەرسوڕمانە ئامادەبوین فراوانیگ هاوڵاتیەیلە لەی جویرە پیشانگایەیلە و ڤیستیوالەیلە بیجگە لە خەڵک هەولێر و ئەو کەسەیلە لە شارەیلترەو تیەن، دووپاتکرد لە پاڵپشتی پارێزگاگە و حکومەت هەرێم کوردستان ئەرا ئی جویر لە کار و چالاکیەیلە لە هەولێر کە کاریگەری لەبان جموجویل بازرگانی دروس کەێد.
