ئاشخانەیل میللی لە هەولێر تامیگ تایبەت و میوان فرە… وینە
![ئاشخانەیل میللی لە هەولێر تامیگ تایبەت و میوان فرە… وینە](https://media.shafaq.com/media/arcella/1704380535660.jpg)
ئاشخانەیل میللی وەشیوەی فرەیگ لەناو بازاڕ هەولێر هەس، و هەر لە شەوەکی زوی دەریان واز کەن ئەرا پیشکەشکردن تاق ناشتا، و تا دویای نیمەڕوو مینن، کە تاق نان نیمەڕو پیشکەش کەن.
چیڤ رێکان ( خاوەن ئاشخانەیگ میللییە لە هەولێر) ئەرا ئاژانس شەفەق نیوز وت: مەردم تیەنە ئاشخانەیل میللی لە شار هەولێر چوینکە هەکاتی خواردن ماڵە، و هەمیش ئەرا تامە خوەشەگەی، هەرچەن ئاشخانەیل گەورەی فرەیگ هەست وەرانەوەر ئەو چیشتخانەیل میللی ئاسانە.
لەباوەت ئەو چینەیل خوەراکە کە پیشکەش کریەن، رێکان دیاری کرد کە برنج کوردی و شلەی فاسۆلیا و بامیە و گووشت سوور و گووشت مامر، فرەترین ئەو خوەراکەیلەن کە لەناو ئاشخانەیل میللی دریەنە کڕیارەیل، وەگەرد نان وسەموون عراقی، و یانە فرەترین هوکارە کە هیلن مەردم وەرەو ئاشخانەیل میللی بان.
لەلای خوەییش عومەر ئەحمەد (یەکیگ لە کڕیارەیل ئاشخانەیل میللی) ئەرا ئاژانسمان وت: ئەوەگ لەناو ئاشخانەیل میللی رەنگینە ئەو خوەراکەیلەس کە پیشکەش کریەن، هەرچەن سادە و ئاسانە، وەلێ تامدارە، و فرەی میوانەیلی کەمدەسن لە کاسپکار و کراکار و خاوەن پیشەیل ناو بازاڕن، هەمیش نرخی ئەرزانە و ئەرا گشت چینەیل ناو کۆمەڵگا گونجیاگە.