ئاسایش کوردستان: هاتن گەشتیار ئەرا ناو هەولێر تەنیا سێ خولەک وەپی چوود

شەفەق نیوز/ هاوکار تاهر قسەکەر وەڕێەوبەرایەتی ئاسایش خاڵەیل لە پارێزگای هەولێر، ئمڕوو یەکشەممە، وت:  وەڕێەوبەرایەتیەگە ئاسانکاری گەورەیگ وە گەشتیارەیل پیشکەش کەێد ک لەی رووژەیلە روی وەرەو پارێزگاگە کەن، ئەوەیش وە فەرمان وەزارەت ناوخۆ.    

تاهر لە وتاریگ ئەرا ئاژانس شەفەق نیوز وت: هاتن گەشتیارەگە ئەرا ناو هەولێر  تەنیا ٣ خولەک وەپی چوود، وتیش: یەک رووژ وەرجە جەژن پیشوازی لە ١٦ هەزار گەشتیار کریا، و لە یەکەم رووژی هەر ٤ ساعەت پیشوازی لە ١٠ هەزار گەشتیار کریا.   

وەرجەیە، گەشتوگوزاری هەولێر مەزەنە کرد ک ٣٠٠ هەزار لە رووژەیل جەژن قوربان بڕەسنە شار هەولێر.       

هەرلیوا،  مەزەنە کریەێد دەیان هەزار لە گەشتیارەیل لە جویراجویر پارێزگایل عراق لە ماوەی جەژن قوربان روی وەرەو هەرێم کوردستان بکەن.