ئاسایش کوردستان توڵەی جوامیر سینێدەو و حەشارگەیل داعش لە داقوق کەرکوک ویران کەێد

دەزگاگە لە بەیاننامەیگ رەسیە ئاژانس شەفەق نیوز وت: لە بنەمای زانیاری هەواڵگری کە وە لێکولینەوە وەرد تیرۆریستەیل دەسگیرکریای دەوڵەمەن کریاس، هیزەیل دەزگای ئاسایش هەرێم کوردستان وە هەماهەنگی وەرد هیزەیل ئەمنی عراقی، توەنستن حەشارگەیل ریخریاگ داعش لە کویەی زەمبور لە قەزای داقوق دیاری بکەن، و ویرانیان بکەن.

وتیش: ئی ئۆپراسیۆنە لە خود رووژ شەهیدبوین جوامیر عەزیز جیوەجی کریا، و دیاری کرد کە ئۆپراسیۆنەگە وەلایەن وەڕیەوبەرایەتی گشتی ئۆپراسیۆنەیل ئاسایش، و دەزگای ئاسایش نیشتمانی عراق و فڕۆکەیل ئێف ١٦ی عراقی جیوەجی کریا، ئەرا سەنین توڵەی شەهید جوامیر عەزیز.

وتیش: بویە تەقەکردن ناوەین ئەندامەیل داعش و هیزەیلمان لە ناوچەی قەرە هەنجیر، و تیرۆرستیگ کوشیا و یەکیگیش زەخمدار بوی، و وەکوتپڕ ئی ئۆپراسیۆن گرنگە ئەرا سەنین توڵەی شەهید جوامیر و گشت شەهیدەیل وەرگری لە هەرێم کوردستان جیوەجی کریا.

دویەکە یەکشەممە، فەرماندەیی ئۆپراسیۆنەیل هاوبەش، ویرانکردن حەشارگەیگ ریخریاگ داعش لە پارێزگای سەڵاحەدین وە فڕۆکەیل F-16 راگەیان.