ئاسایش هەولێر ژنیگ بەغدای دەسگیرکرد کە وە شیوەی تونوتیژانە مناڵەگەی ئەشکەنجەدایە
2024-08-22T12:49:08+00:00
شەفەق نیوز/ وەڕێوەبەرایەتی ئاسایش هەولێر، ئمڕوو پەنجشەممە، دەسگیرکردن ژنیگ راگەیان کە ئەزیەت دویەتە مناڵەگەی دایە ڤیدیۆی کردیە و لەبان تووڕ کۆمەڵایەتی بڵاویکردیە.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان "لەدویای ئەوەگ ڤیدیۆی ژنیگ بڵاوەوبوی لەبان تووڕەیل کۆمەڵایەتی کە ئەشکەنجەی مناڵە بویچکەگەی دەێد، تیمەیلمان دەسکردە لێکۆڵینەوە و دەرچگە ژنەگە عەرەبە ناوی (ز. و. م) خەڵک بەغدادس و دانشتگ هەولێرە ئەرا کارکردن".
وتیش "وە فەرمان دادوەر لێکۆڵەر ئاسایش هەولێر ژنەگە دەسگیرکریا و لەدویای لێکۆڵینەوە وەگەردی دەرچگە ئەو مناڵەی تونوتیژی وەگەردی کریاس دویەتەیە و چوار ساڵانە"، دیاریکرد "ژنەگە ماوەیگە لەشویەگەی جیاوەبویە".
