ئاسایش هەولێر رونکردنەوە دەێد لەباوەت مردن کەسیگ لە دویای دەسگیرکردنی
2023-06-07T13:09:22+00:00
شەفەق نیوز/ وەڕیەوبەرایەتی ئاسایش پارێزگای هەولێر پایتەخت هەرێم کوردستان، ئمڕوو چوارشەممە، رونکردنەوەیگ دا لەباوەت مردن کەسیگ لە دویای دەسگیرکردنی وەلایەن خوەیان.
وەڕیەوبەرایەتیەگە ئمڕوو لە بەیاننامەیگ راگەیان، زیرەک عەلی محەمەد پەلامار کۆمپانیایگ دایە تواستیە وە زوور پویل لەلیان بوەێد، ئاشکەرایکرد راپۆرت وەریەوبەرایەتی ئاسایش ناوشار خراوبوین تەندروسی ئەو کەسە چەسپنێد.
لە بەیاننامەگە وتیش، دەسوەجی تیمەیلمان ئەو کەسە ئەرا خەسخانە کلکردنە باوجی لەورا گیان لەدەسدا، دیاریکرد تیمیگ لە پزیشک دادوەری سلێمانی هاتنەس ئەرا هەولێر تا بەشداربوون لە زانین هووکار گیان لەدەسدانی.
وەپای بەیاننامەگە، لە راپۆرت پزشکی دەرچگە ئەو کەسە وە مدووی جەڵتەی دڵ گیان لەدەسدایە، وتیش بڕیگ لە کەناڵ و لایەنەیل هووکار مردنەگە ئەرا بەرژەوەنی خوەیان وەکارهاوردنە.
