ئاسایش سلێمانی لە ماوەی مانگیگ 73 کەس وە توومەت وەکارهاوردن و بازرگانیکردن وە مادەی هووشبەر دەسگیرکەێد
![ئاسایش سلێمانی لە ماوەی مانگیگ 73 کەس وە توومەت وەکارهاوردن و بازرگانیکردن وە مادەی هووشبەر دەسگیرکەێد](https://media.shafaq.com/media/arcella/1696520340723.jpg)
لە بەیاننامەی دەزگاگە کە رەسیە ئاژانس شەفەق نیوز هاتیە، وەڕیوبەرایەتی دژە مادەیل هووشبەر و وەهەماهەنگی وەگەرد وەڕیوبەرایەتی ئاسایش سلێمانی و وەڕیوبەرایەتی ئۆپراسیۆنەیل دەزگای ئاسایش هەرێم و وەڕیوبەرایەتی ئاسایش راپەرین و وەڕێوبەرایەتی ئاسایش خوەرئاوای سلێمانی، توەنستنە 73 توومەتبار وەکارهاوەر و بڵاوکەر و بازرگانیکەر وە مادەی هووشبەر دەسگیربکەن.
ئاشکەرایکرد، " هێزەیل ئاسایش هەرێم، وە ئامانج قەیەغەکردن و دژە وەکارهاوردن و بازرگانیکردن وە ئەو مادە، و وە بڕیاڕ دادوەر لێکۆڵەر ئاسایش لەماوەی مانگ ئەیلوول وەرین لە شمارەیگ ئۆپراسیۆن جیا لە شار سلێمانی و دەوروگەردی توەنستن 73 کەس دەسگیربکەن وە توومەت وەکارهاوردن مادەی هووشبەر و بازرگانیکردن وەپی و بڵاوکردنی".
لە بەیاننامەگە دیاریکرد، " دەسنریاس وەبان (20.220) کگم، مادەی هووشبەر لە جویر (تلیاک و هیرۆئین و کریستال و حەشیش حەب ترامادۆل)"، وتیش، " ئیرنگە توومەتبارەیل زندانیکریانە وە بڕیار دادوەر وە بەڵگەی مادەی (25-26-30) لە یاسای سزادان مادەی هووشبەر و کاریگەری دەروینیەیل، لێکۆڵینەوە گەردیان تائیسە وەردەوامە.