ئاسایش دووپاتکرد لە رویوەڕویبوین خوەنیشاندەرەیل و رانندەی بارهەڵگرەیل زەخمداری هەس لە سلێمانی

شەفەق نیوز/ دەزگای ئاسایش هەرێم کوردستان، ئمڕوو سێشەممە، خەوەردا، هویچ کەس دەسگیرنەکریاس لەو رویوەڕویبوینە کە لەناوەین ماموسایەیل نارازی و رانندەیل بارهەڵگر رویدایە لەبان ری عەربەت ـ سلێمانی، دووپاتکرد زەخمدار هەس لەناوەین رویوەڕویبویبویەیل.

دەزگاگە ئمڕوو لە بەیاننامەیگ راگەیان "دویەشەو لە شار عەربەت وە مدوو نواگیری کردن لە چگن شمارەیگ بارەڵگر وەلایەن مامووسایەیل وەردەوردە دروسبوی  و رەسیە ئەرا زەخمداریبوین شمارەیگ رانندە و هاوڵاتی".

وتیش؛ لایەنەیل جیوەجیکار یاسایی رەسینەس ئەرا شوین رویداوەگە و رێکارەیل یاسایی پێویست وەرگردنە ئەرا ئارامکردن بارودۆخەگە و کۆنترۆلکردنی، نواگیرکردن لە دروسبوین وەردەوردە و پاراستن گیان گشت هاوڵاتیەیل.

وەپای بەیاننامەگە، هویچ کەس دەسگیر نەکریاگە و زەخمدارەیلەش لە خەستەخانە دەرچگنە.