ئاسایش دهۆک: ئەو چەکدارە ک پەلامار وەریەوبەرایەتی ئاسایش داگە کاریگ تیرۆریە
2022-12-12T15:16:42+00:00
شەفەق نیوز/ وەریەوبەرایەتی ئاسایش دهۆک، ئمڕوو دووشەممە، وت: ئەو پەلامار چەکدارە ک بارەگای وەریەوبەرایەتی ئاسایش کردە ئامانج، و یەک قوربانی و زەخمداریگ لەلی کەفت، کاریگ تیرۆری بوی.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: ئەو پەلامارە ک بارەگای وەریەوبەرایەتی ئاسایش کردە ئامانج، کاریگ تیرۆری بوی، دویای ئەوە ک چەکداریگ تەقە لە ئەندامەیل ئاسایش لەناو بیناگە کرد.
وەرجەیە، سەرچەوەیگ ئەمنی خەوەردا لە کەفتن یەک قوربانی و زەخمداریگ لە هیزەیل ئاسایش وە پەلاماریگ چەکدار لەبان بارەگایان لەناوڕاس شارەگە.
سەرچەوەگە ئەرا ئاژانس شەفەق نیوز وت: چەکداریگ لە نەتەوەی عەرەو پەلامار بینای فەرمانگەی ئاسایش دهۆک دا و تەقە کرد، ک بویە هوکار کوشیان ئەندامیگ لە ئاسایش و زەخمداری یەکیگتر.
