ئاسایش پیاویگ دەسگیر کەێد لە هەولێر سەر ژنەگەی خوەی بڕیە
شەفەق نیوز/ وەڕێەوبەرایەتی ئاسایش لە هەولێر پایتەخت هەرێم کوردستان، ئمڕوو پەنجشەممە، دەسگیرکردن پیاویگ راگەیان ک سەر ژنەگەی خوەی وە چەقو بڕیە.
ئاسایش لە بەیاننامیگ رەسیە ئاژانس شەفەق نیوز وت: رویداو کوشتن ژنیگ وەناو کۆیستان بەیروت خدر لە گەڕەک کوردستان بوی.
بەیاننامەگە وتیش: تیمەیل لێکۆڵینەوە لە وەڕێوەبەرایەتیەگە و بنکەی ئاسایش گەڕەکەگە رەسینە شوین رویداوەگە و دەرکەفت ک ژنەگە وەدەس شویەگەی ( ا، ش، ع) کوشیاگە، ک لەوەر گرفتەیلیگ خیزانی وەچەقو کوشتیەسەی.
وتیش" هیزەیل ئاسایش دویای یەک ساعەت لە تاوانەگە، توەنستن توومەتبارەگە دەسگیر بکەن، و دیاری کرد ک وە فەرمان دادوەر دەسگیر کریا، وەگورەی مادەی ٤٠٦ لە یاسای سزادان.
وەرجەیە، سەرچەوەیگ ئەمنی ئەرا ئاژانس شەفەق نیوز وت: پیاویگ لە شار هەولێر پایتەخت هەرێم کوردستان، وەچەقو سەر ژنەگەی خوەی بڕیە.
