پارتی و یەکێتی: یەکگردن رزەگە فەرەتر لە هەر وەختیگ خوازیمن وبووشایی وە دوژمنەگان نەیەیمن
![پارتی و یەکێتی: یەکگردن رزەگە فەرەتر لە هەر وەختیگ خوازیمن وبووشایی وە دوژمنەگان نەیەیمن](https://media.shafaq.com/media/arcella/1612175099458.jpg)
شەفەق نیوز/ عەدنان موفتی سەرکردە لە یەکێتی نیشتمانی کوردستان، ئمڕوو دووشەممە، وت: رەوشەگان لە هەرێم و لە ناوچەگە زیاتر وەرەو یەکگردن رزەیل ماڵە کوردستانیەگە هان دەن.
موفتی لە وتاریگ لە رسوومەیل ساڵیاد تەقینەوەگان یەک شوبات ٢٠٠٤ لە هەولێر وت: ئیمە ئمڕوو فرە خوازینمان ئەرا یەکگردن رزەیلمان هەس، چوونکە یەکێتی رزەگان فرە گرنگە، و نزیکترین نموونە ک هەنای گەل کورد لە راپەڕین ساڵ ١٩٩١ رزەگانی یەکەو گردن.
وتیش: هەمیش دوژمنەگان ناکۆکیمان ئەرا لاوازکردنمان وەکار تیرەن، و ئیمە ئمڕوو هەمیش یەکێتی لە وتار و هەڵوێست خوازیمن نەک لەوەر ئەوە ک گرفتیگ لە بوودجەگە دیریمن، بەڵکم چوونکە ناوچەگە وەرەوشەیل ئاڵووز و مەترسیداریگ رەد بوود، و بەشەیلیگ تر لە کوردستان داگیر کریانە وناوچەیلیگ دابڕیاگ هیمان زیان لە چەن گرفتیگ وەخوەیان دوینن، ئەراوە بایەدە ری وە دوژمنەیلمان نەیەیمن ک ناوکۆکیەلمان وەگەرد بەغداد وەبەدی و کار بارن.
لەلای خوەییش ئومێد خۆشناو سەرۆک فراکسیۆن پارتی لە پەرلەمان کوردستان وت: بایەدە عبرەت لە رووداو ٢٠٠٤ بوەیمن وبایەدە بزانیمن ک دوژمنمان یەکیگە، و بایەدە یەکێتی رزەیلمان بکەیمن ئەرا وەجیهاوردن ئامانجەیل ئەوانە ک خوینیان پێشکەش کردن، ک هەرچەن بۆچوونەیل حزبییان جیواز بوین وەلی خوینیان وەگەرد یەک تیکڵا بوی.