پارتی ٥٠٠ بوتڵ ئۆکسجین پێشکەش کەێدە خەسەخانەی گشتی کەرکوک

شەفەق نیوز/ پارت دیموکرات کوردستان وە سەرۆکایەتی مەسعود بارزانی، ئمڕوو سێشەممە، راگەیان لە پێشکەشکردن ٥٠٠ بوتڵ ئۆکسجین ئەرا خەسەخانەی گشتی کەرکوک جوور پاڵپشتییگ ئەرا تەقلایەیل شانەی قەیرانەگە. دلێر سەمەد ئەندام شانەگە لە کەرکوک لە قسەیگ ئەرا ئاژانس شەفەق نیوز وت: جوور پشتگیرییگ ئەرا رەنجەیل شانەی قەیرانەگە، و لە هەوڵداینە رووژانەگە ئەرا پشتگیری پاڵەوانەیل تەندروسی کەرکوک و ورێوبردن و کادرەیل خەسەخانەی گشتی کەرکوک لە هەوڵداین چەودیریکردن تووشهاتگەیل و دابینکردن خواست رووژانەیلیان، پارت دیموکرات کوردستان وە پشتگیری دکتۆر محمد خۆرشید وەرپرس لق سێیەم هەڵمەتیگ کرد وە پێشکەشکردن لە پڕکردن و ئامادەکردن ٥٠٠ بوتڵ ئۆکسجین. سەمەد هەمیش وت: تاقە یەکەمەگە وە ٢٠٠ بوتڵ دریا دەس دکتۆر محمد فرەیدون وەڕێوبەر خەسەخانەی کەرکوک، و ئاماژەدا؛ ئەیە لە هەڵمەتە مرۆییەگە و تەقەلایل هاوکاری تیەێد ئەرا خزمەت هاووڵاتیەیل کەرکوک لە تووشهاتگەیل ڤایڕۆس کۆرۆنا.