پارێزەر بکوش پیاوە ئێزیدیەگە وەگەرد دویەتەگەی وەگیرستن لە دادگا دەرچگ
شەفەق نیوز/ کەسوکارەیل دوو قوربانیەگە فاروق ميرزا و ئەخنیک دویەتی، ئمڕوو چوارشەممە، پیشوازی لە بڕیار دادگای دهۆک وە فەرمان لەسێدارەدان بکوشیان کردن، لە وەختیگ هاوخەمی پارێزەر توومەتبارەگە ئاشکرا کردن ک مەوقەی ژنەفتن کردەوەیل توومەتبارەگە وەگیرستن لە دادگا دەرچگ.
برای پیاوە قوربانیەگە و مامەی دویەتە کوشیایەگە ئەرا ئاژانس شەفەق نیوز وت: دویای دەرچگن فەرمان وەسێدارەدان لەبان توومەتبارەگە، پارێزەر وەرگریکردن لە توومەتبارەگە وەگیرستن لەناو هۆڵ دادگاگە دەرچگ، دویای ئەوە ک قسەیل توومەتبارەگە لە دانیشتنەگە ژنەفت، و ئەو شیوە ک وەپی فاروق برام و ئەخنیک برازام کوشتیە.
برای فاروق و باوان دوو قوربانیەگە پیشوازی لە فەرمان لەسێدارەدان لە دادگای دهۆک لەبان بکوشەگە کردن، و دەسخوەشی لە دادپەروەری لە هەرێم کوردستان کردن.
مامەی ئەخنیک ئاشکرا کرد ک توومەتبارەگە دان وە کردەوەی دا، هەنای فاروق و ئەخنیک دویەتی ک تەمەنی شەش ساڵانە هاوردیەسە باخیگ نزیک لە زاخۆ لە مانگ ئەیلوول گوزەشتە، و فاروق کوشتیە، و دویای دەسدرویژی سێکسی وەبان دویەتەگە دویەتەگەیش کوشتیە.
شەوەکی ئمڕوو، دادگای نەهیشتن تاوان پارێزگای دهۆک لە هەرێم کوردستان، سزای لەسێدارەدان لەبان تاوانکاریگ وە کوشتن پیاویگ ئێزدی و دویەتەگەی دەرکرد.
