پارێزگار هەولێر: رێکارەیل حکومی هووکارە ئەرا کەمەوبوین مەترسی لافاو
2024-02-15T12:57:27+00:00
شەفەق نیوز/ پارێزگای هەولێر، پایتەخت هەرێم کوردستان، ئمڕوو پەنجشەممە، راگەیان تیمەیل پەیوەنیدار سەرکەفتی بوینە لە نواگیری مەترسیەیل لافاو لەدویای ئێ کۆتا شەپوول واران وارینە، دووپاتکرد قۆناغ لافاو رەدکردنە کە وەرجە 3 ساڵ تویشیهاتن.
پارێزگار هەولێر ئومێد خۆشتانو لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەبوی راگەیان "تیم و دەزگا پەیوەنیدارەیل سەرکەفتی بوینە لە ئەرکەگەیان لەدویای چگنە ناو پسای ئامادەباشی وە مدوو واران وارین رفتیگ خوەشبەختانە هویچ رویداویگ روینەیا".
وتیش "مەزەنەیل دیاریکەن شەپووڵەگە وەشیوەی پچڕپچڕ وەردەوامی دیرێد تا رووژ یەکشەممەی ئایندە" وتیش؛ " بڕ رێژەی واران وارین ئمساڵ لە هەولێر تا ئیسە رەسیە ئەرا 327 ملم، کە لە ساڵ 2021 رێژەگە لەی بڕوارە 129 ملم بوی، شمارەیگ لافاو دروسبوی، باوجی ئمساڵ رێژەگە بەرزترە و هویچ لافاویگ روینەیاس".
پارێزگار دیاریکرد "ئیە بەڵگەس ئەرا ئەوەگ زنجیرە رێکارەیلیگ گیریایە وەلایەن دەسڵاتدارەیل هووکار بویە ئەرا کەمەوکردن مەترسیەیل".
