پارێزگار هەوڵێر: لافاوەگە گیانیگ لەدەس نەیا باوجی چەن ماڵیگ رمان
شەفەق نيوز/ ئومید خۆشناو پارێزگار هەوڵێر، ئمڕوو یەکشەممە وت: ئەو لافاوەیلە ک چەن ناوچەیگ لە پارێزگاگە کەفتنە وەری لەوەر رفتی وارانەگەی دۊیەکە گیانیگ لەدەس نەیا.
خوشناو لە وتاریگ رووژنامەوانەی لە مەوقەی گەردینە لەو ناوچەیلە ک لە لەلافاوەگە زەرەدمەن بۊینە وت: لەوەر وارانەگە ک لە دۊیەکەو وارێد، لافاو رەسیە چەن ناوچەیگ، و زەرەد وەپیان و وەچەن ماشینیگ رەسان، و دەسنشان کرد ک لافاوەیلە زەرد رەساننە گوندی کۆری،نو شار زیڕین، و کورد جوتیار، بەڵکم خوەشبەختانە زەرەد وە گیانی نەیا.
خۆشناو باس رمیان چەن مناڵیگ لەو ناوچەیلە کرد، وتیش: پارێزگار وە هاوکاری دامەزراو خەیرخواز بارزانی هاواکری زۊینە رەسنێدە هاووڵاتیە زەرەدمەنەیلە.
ئیدارەی خۆجێیی لە پارێزگای هەولێر پایتەخت هەرێم کوردستان، پشۆی دەوام فەرمی ئەرا ئمڕوو یەکشەممە راگەیان، وەخاتر لاوردن جیماگەیل لافاوەیلە.
