پارێزگار دهۆک: جەنگ ناوەین تورکیا و پەکەکە وەی نزیکەیلە کۆتایی وەپی تێد وپاسەوان عراقی کۆنترۆل سنوورەگە کەێد
2024-03-10T12:03:38+00:00
شەفەق نیوز/ پارێزگار دهۆک عەلی تەتەر، ئمڕوو یەکشەممە، دووپاتکرد لە ماف هێزەیل پاسەوان سنووری عراق ئەرا هاتنیان وەرەو ناوچە سنووریەیل و دروسکردن هێزیگ سەربازی لەورا، ئەرا بەرقەرار کردن ئاسایش و بیوەیی لە ناوچە سنووریەیل وەگەرد هەرێم کوردستان، دڵنیایی دا جەنگ ناوەین تورکیا و پەکەکە وەی نزیکە کۆتایی تێد.
تەتەر لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەبوی دووپاتکرد، "هەرێم بەشیگ لە عراق پێکتیارێد و پێویستە سنوورەیلی وەگەرد وڵاتەیل هاوسا مسۆگەر بکرێد"دیاریکرد "زەوی کورد جویر هەرەشەیگ ئەرا وڵاتەیل هاوسا وەکار نیەتێرێد".
دووپاتکرد "60% لە ئاوایەیل قەزای ئامێدی زەرەر دینە لەوەر جەنگ ناوەین چەکدارەیل سووپای تورکیا و چەکدارەیل پەکەکە".
تەتەر داوا لە لایەنە جەنگەرەیل کرد جەنگەگەیان بوەنە ناو زەوی خوەیان" دووپاتکرد " نیەود ناوچەگە بەشیگ بوود لەی جەنگە".
پارێزگار دهۆک دڵنیایی دا" " ئێ ململانیە وەی نزیکە کۆتایی تێد پاسەوان سنووری عراق توەنێد مسۆگەر کۆنترۆلکردن سنوورەگە بکەێد لەئەنجام مەردم ئاوایەگان توەنن ئەرای گلەوبخوەن و دەسبکەن وە بیناکردن سەرلەنوو ناوچەیلیان".
