پارێزگایگ کوردستانی پڕۆژەیگ ئەرا ئیوەتکردن ئاژەڵەیل وەرەلا واز کەێد
ئەندازیار نمر حوسامەدین ئەرا ئاژانس شەفەق نیوز وت: حکومەت دهۆک دەسکردە دروسکردن شوین لە گشت پارێزگاگە، و خەرجەگەی لە سێ مەلیۆن دینار عراقی رەد کرد.
حوسامەدین وتیش: پڕۆژەگە هەفت باڵ هاناوی ئەوەسا ئەرا ئەو ئاژەڵەیلە تەرخان کریەێد ک بیمارن، و ئەوەکان جویر بڕبڕ ئەرا ئاژەڵەیل.
دیاری کرد ک یەکەم گامەگە وە ئیوەتکردن سەگەیل وەرەلا دەسوەپی کەێد، ئیجا ئەرا پشی و خەر و قاتر.
لەلای خوەییش؛ سلیمان تەمر وەڕیەوبەر ریخریاگ ماف ئاژەڵ لە دهۆک وت: دوو ری ئەرا ئیوەتکردن ئاژەڵەیل وەرەلا لە پارێزگاگە هەس، یەکەمیان دروسکردن تیمەیلیگ ئەرا گردەوکردن ئاژەڵەیل لەناو جادە و کویچەیل، و دویەمەگە ئەوەسە ک حکومەت ناوخوەیی پویلیگ پیشکەش کەێدە هەر کەسیگ ئاژەڵیگ ئەرا شوینەگە بارێد.
لەباوەت چوینیەتی رەفتارکردن وەرد ئاژەڵەیل لەی پڕۆژە، سلیمان باس گرنگی هەسی پزشکەیل ڤێتەرنەری کرد تا نووڕینیگ ئەرا گشت سەگەیل لە گشت بیماریەیل بکەن، و دەرمان وەپیان بیەن، ئیجا هەر ئاژەڵیگ شمارەی خوەی بیاشتاد.
