پارێزگای هەولێر نیاز دیرێد بەرزاییەیل کەسنەزان بکەێدە شوینیگ گەشتوگوزاری
ئومێد خۆشناو پارێزگار هەولێر لە پۆستیگ لەبان فەیسبووک نویسان: وەخاتر مقیەتیکردن ئاو و زیایکردن تەکانەیل ئاو ژیرزەوی، و مقیەتیکردن هەولێر لە لافاوەیل، کابینەی نۆهەم حکومەت هەرێم کوردستان گرنگی فرەیگ وە دروسکردن گوڵەم و بەنداوەیل دەێد، و بڕیگ ە گوڵەمەیل رەسینە ئاست جیوەجیکردن.
دیاری کرد کە یەکیگ لەو گوڵەمەیلە کە لە بەرزاییەیل کەسنەزان نزیک پەیکەر شەهیدەیل دەسوەپی کریا، کە وەگەرد تەواوبوینی، و وەرد سوودگردن لەلی ئەرا مقیەتیکردن و زیایکردن بڕ ئاو ژیرزەوی، و مقیەتیکردن شار هەولێر لە لافاوەیل، و لە وەرز تاوسانیش سوود فرەیگ دەیرێد ئەرا کشتوکاڵی و ئاژەڵ لە ناوچەگە، و لە خود وەختەگە بوودە شوینیگ گەشتوگوزاری و ئەوەسا دیمەن رەنگینیگ لە بان هەولێر پایتەختەو نشان دەێد، و لە بانانیش گەشتیارەیل توەنن سەردان ئی شوینە بکەن، جویر شوینیگ گەشتوگوزاری نزیک پایتەخت.
