پارێزگایگ لە هەرێم کوردستان قەیەغەی وەکارهاوردن سیگار ئەلیکترۆنی کەێد
2023-01-18T13:25:23+00:00
شەفەق نیوز/ داواکار گشتی لە پارێزگای دهۆک لە هەرێم کوردستان، ئمڕوو چوارشەممە، بڕیار قەیەغەکردن وەکارهاوردن و سەنین و فرووشتن سیگار ئەلیکترۆنی دا.
وەگورەی بڕیارەگە، قەیەغەی وەکارهاوەدرن و فرووشتن و سەنین سیگار ئەلیکترۆنی کریا، و هەر کەسیگ پابەن وەی بڕیارە نەوەد کەفێدە روی یاسا.
هەمیش بڕیار دا ک کەسەیل ناخاڵە خوار ١٨ ساڵان قەیەغە کریەن لە چگن وەناو ئەو شوینەیلە ک قلیان لەناویان کیشن، و شوینەیل فرووشتن مەی و مەیخانەیل، و لایەنەیل پەیوەندیدار چەودیاری ئی باوەتە وەڕی کامیرایل ناو ئەو شوینەیلە کەن.
وەرجەیە، قایمقامیەت پارێزگای سلێمانی، لە مانگ تەشرین یەکەم لە ساڵ ٢٠٢٢، بڕیار دا قەیەغەی هەر پرۆپاگەندەی ئەرا سیگار ئەلیکترۆنی لەبان سۆشیال میدیا یا میدیایل راگەیانن بکریەێد.
