کابرایگ لە دهۆک خوەشکەگەی خوەی وە کلاشینکۆف کوشێد
2024-05-12T12:14:29+00:00
شەفەق نیوز/ سەرچەوەیگ لە پۆلیس ئیدارەی سەروەخوەی زاخۆ سەر وە پارێزگای دهۆک لە هەرێم کوردستن، ئمڕوو یەکشەممە، خەوەردا کەسیگ خوەشکەگەی وە کلاشینکۆف کوشتیە لە ناحیەی درکاو باکوور زاخۆ.
سەرچەوەگە وە ئاژانس شەفەق نیوز خەوەردا، "دەسڵاتدارەیل ئەمنی تاوانبارەگە دەسگیرکردن و تەرم ژنەگە ئەرا پزیشک دادوەری زاخۆ کلکردن"، دیاریکرد "لێکۆڵینەوە وەردەوامە ئەرا زانین چۆنیەتی تاوانەگە".
