پەیاکردن گەنجینەیگ لە هەرێم کوردستان

شەفەق نیوز/ عەلی حەمە ساڵح ئەندام پەرلەمان هەرێم کوردستان، ئمڕوو پەنجشەممە، خەوەردا لە پەیاکردن دەسکرتەی تەڵایلیگ لە سەدەیل گوزەیشتە لە ناحیەی خەلیفان سەروە پارێزگای هەولێر.

حەمە ساڵح لە پۆستیگ لەبان ماڵپەڕەیل فەیسبووک نووسان: کابرایگ وەناو «عەبدولباسیت» کار لەبان «حەفارەیگ» کەێد، لە رووژ 7/6/2021 کار لە زەوییگ لە ئاوای سریشمە کرد ک خاوەنەگەی پیاو دەوڵەمەنیگە وەناو «مام سابیر»،  رانندەگە لە مەوقەی کارکردنی لە زەویەگە ئەو گەنجینە پەیا کرد.

وەگورەی قسەیل خیزان و کەسوکارەیلی، سەنگینی گەنجینەگە رەسێدە ٣ کێلوگڕام، وتیش؛ رانندەی حەفارەگە یەکەم جار پارچەیگ لە گەنجینەگە برد، و ئیجا گلیەو دا.

وتیش؛ مام سابیر خاوەن زەوییەگە ئاگادار لایەنە پەیوەندیدارەیل کرد، و تا دوێەکە گەنجینەگە لە ئاوای سریشمە بوی، و دویای ئەوە وەرەو قەزای سۆران بریا.

وەگورەی حەمە ساڵح؛ تیمیگ تایبەت دیرێگ لە گەنجینەگە لێکولینەوە کەێد، و نشان دا ک مێژوو ئی گەنجینە ئەرا سەردەمەیل کۆنەیگ چوودەو ئەرا وەرجە ئیمارەت سۆران، و وەرجەیە ئیجوور گەنجینەیلیگ لەی ناوچە پەیا کریاگە.

ساڵح باس کرد ک ئی گەنجینە ئەرزش مێژووی گەورەیگ دیرێد، و بایەتە تیم پسپۆڕەیل تۆێژینەوەی زانستی لەبانی بکەن، و ئیجا بخریەێدە ناو موزەخانەی نیشتمانی.