پەیاکردن ٧٥٠ شۊین ئاسەواری لە هەولێر
شەفەق نیوز/ وەزارەت شارەوانی و گەشتوگوزاری لە هەرێم کوردستان، پەیاکردن ٧٥٠ شۊین ئاسەواری لەڕی وەشکین تیمیگ لە سانکۆی هارڤارد ئەمریکی ک لە ساڵ ٢٠١٢ دەس وەپیکردگە توومار کرد.
وەزارەتەگە لە بەیاننامەیگ ئمڕوو یەکشەممە وت: پڕۆژەی وەشکین ئاسەواری لە هاماری هەولێر یەکیگە لە گرنگترین پڕۆژەی کەرتەیل ئاسەواری لە هەرێم کوردستان وە گشتی و پارێزگاری هەولێر وەتایبەت، وتیش: ئی پڕۆژە لەساڵ ٢٠١٢ دەسوەپی کردگە، و تیم زانکۆی هارڤارد ئەمریکی و وەڕیەوبەرایەتی ئاسەواری هەولێر سەرپەرشتیارىی کەێد، و تا ئیسە ٧٥٠ شۊین ئاسەواری پەیا کریاگە.
بەیاننامەگە دیاری کرد ک ساڵانە لە ماوەی وەرزیگ تیمیگ لە زانایل ئاسەواری کوردی، و تەیم زانکۆی ئەمریکی وەشکین پشتاوپشت کەن، و وەزارەت شارەوانی و گەشتوگوزار ئەرا گرنگیدان وەی کەرتە پاڵپشتی گشت پڕۆژەیل ئاسەواری لە هەرێم کەێد.
