پەیاکردن درەخت نوویگ لە هەرێم کوردستان.. وینە
شەفەق نیوز/ کارزان عومەر قادر پڕۆفیسۆر کوردی ک پسپۆڕ درەختە، ئمڕوو دووشەممە، پەیاکردن درەخت نوویگ راگەیان، خریەێدە بان چینەیل درەختەیل جەهان.
قادر لە کۆنگرەیگ رووژنامەوانی لە شار هەڵەبجە، و ئاژانس شەفەق نیوز ئامادەی بوی وت: رەنجەیل زانستی رەسینە پەیاکردن چین نوویگ لە درەختەیل لە جەهان لەبان سنوور عراق و ئیران، لە ناوچەی شارباژێر سەروە پارێزگای هەڵەبجە لە هەرێم کوردستان.
وتیش: ئی ئاشکراکردنە لە ٢٠١٩ دەسوەپی کرد وەهەماهەنگی وەرد کۆمەڵگەی گیازانریل نیشتمانی و زانکۆی سلێمانی، و تەنیا تویەمەیل گردەو کریا، و لە ساڵ ٢٠٢٠ نموونە لە گوڵ ئەو درەختە بریا.
وتیش: هاوکاری ناوبەین زانکۆی کرمان ئیرانی کریا، ودویای ئەنجامدان وەشکینەیل تاقیگەیی، دەرکەفت ک چین نوویگە لە درەختەیل لە ئاست عراق وجەهان، و چوودەو ئەرا بنچینەی درەختەیل شفەوی، ک یەکیگە لە گەورەترین بنەماڵەی درەختەیل جەهان.
قادر دیاری کرد ک ئی بنەماڵە لەو درەختەیلەسە ک ئەرا خوەراک وەکار تیەێد، وچوودە ناو بڕیگ پیشەسازی، و لە زیاتر چینەیل ئی بنەماڵە رەیحان ونەعناع و پینگە و زەعتەر وەکار تیەن.
دیاری کرد ک توانا هەس ئی چینە لە سرەختەیل جویر دەرمانیش وەکاری باێد.
