پەیاکردن تەرم ئەفسەریگ لە قوربانیەیل سپایکەر

شەفەق نیوز/ سەرچەوەیگ ئەمنی لە دیالە خەوەردا لە پەیاکردن تەرم ئەفسەریگ خەڵک دیالە ک لە کۆمەڵکوشیەگەی سپایکەر ساڵ 2014 کوشیایە.

سەرچەوەگە وە ئاژانس شەفەق نیوز وت، پارێزگای دیالە تەرم ئەفسەریگ لە سوپا وە پلەی ملازم وەرگردیە، ک لە دەوروگەرد شار تکریت پەیاکریاگە و لە دویای 8 ساڵ لە مینەکردن و لێکۆلینەوە دریاسە دەس کەسوکار قوربانیەگە.

رێکخریاگ داعش لە ماوەی لەشکەرکیشیەگەی ئەرا  شار تکریت لە ساڵ 2014 لە ناوچەی کۆشک سەرۆکایەتی و ئاخڵەداین پارێزگای سەڵاحەدین و کەفتنەژیر دەس فرەیگ لە ناوچەیل وە ژیر دەس داعش، نزیکەی 1700 ئەندام ئەمنی وە شیوەی جوراوجویر لە سێدارەدا.