ئاگریگ لەناو کامپ ئاوارەیل ئێزدی لە هەولێر
2022-09-06T05:58:11+00:00
شەفەق نیوز/ سەرچەوەیگ لە پارێزگای هەولێر پایتەخت هەرێم کوردستان، ئمڕوو سێشەممە، خەوەردا لە هیزگردن ئاگریگ لەناو کامپ هەرشم ک ئەرا ئاوارەیل ئێزدیە لە هەولێر.
سەرچەوەگە ئەرا ئاژانس شەفەق نیوز وت " ئاگرەگە لە ساعەت شەش شەوەکی هیز گرد، ک شەش کەرەڤان ماڵی وە شیوەیگ یەکجاری سزان.
وتیش: هیمان هووکارەیل ئاگرەگە نەزانیایە، و هویچ زەرەدەیگ گیانی لەلی نەکەفتیە.
