ڤایرۆسیگ پڕۆژەیل مامر لە هەرێم کوردستان لەناو دەێد
نازم عەبدولڵا سەرۆک کۆمەڵەگە لە کۆنگرەیگ رووژنامەوانی ئاژانس شەفەق نیوز ئامادەی بوی وت: وەرجە سێ ساڵ داوای دابینکردن واکسین ئەرا ئەو ڤایرۆسە کردیە ک دەرد خەێدە ناو مامرەیل لە گشت ناوچەیل هەرێم کوردستان، و بویە هوکار مردارەوبوین نزیکەی ٤٠ لەسەدیان.
وتیش: ئی ڤایرۆسە لە ئایەم نیەێد و تا ماوەی یەک هەفتە وەردەوام بوود، و تاقیکردن وەردەوام وەلایەن دەسەیل هاوبەش و فەرمانگەی فیتێرنتی ئەرا چەودیاریکردن مامرەیل ناو بازاڕەیل هەس ئەرا نواگردن بڵاوبوین ئی دەردە.
عەبدولڵا وتیش؛ تەرخانکردن پویل لە وەزارەت کشتوکاڵی لە گشت دەوڵەتەیل رسێدە ١٥ تا ٢٥ لەسەد، وەلێ لە هەرێم کوردستان لە٢ لەسەد رەد نیەکەێد.
لەباوەت بڕ بەرهەم ناوخوەیی مامر لە هەرێم کوردستان، عەبدولڵا وت: بەرهەمەگەی لە دە قات خوازین ناوخوەیی زیاترە، و پڕۆژەیل مامر نزیکەی ٥٠٠ هەزار دەرفەت کار ئەرا خەڵکەگە لە گشت ناوچەیل هەرێم کوردستان دابین کەن، و رووژانە خاوەن مامرەیل زرەد دارایی گەورەیگ کەن لەبان ئی ڤایرۆسە.
