کاکەیی ئاینیگە لە ئیسلام جیوازە و بەشیگیان لە رخەو ئووشن شیعەیمن
شەفەق نیوز/ فرە ری هەس ئەرا راسیەگە رەسن، و ئی ریەیلە وەگورەی تەقەلای ئەوانەن ک خوازن ئەرا راسیەگە بڕەسن، و ریەیلیگ تاکانە ئەرا پەرستگاهی هەس، لەناو کۆمەڵ، جوور ئەوەگ لەلای «ئەهل حەق» یا یارستانی، یا وەو جوورەگ لە هەرێم کوردستان ناسریاگە وە کاکەیی هەس.
یارستانی، یا کاکەیی، ک هەمیش لەلای ئیرانیەگان و عەرەوەگان وەپیان ئووشن «ئەهل حەق» خوەی لقیگە لە ئاین یەزدانی کۆن (ک یەزدان وە واتەی خودا هاتگە)، ک ئەوسا فرەی کورد لەی ئاینە بوینە وەرجە رەسین ئیسلام ئەرا ئیران، ک ئیسە بویەسە سێ بەش سەرەکی جوور؛ ئەیزیدی و یارستانی و عەلەوەیگان تورکیا.
ئاین کاکەیی ری وە لایەنگردن بیگانەیل ئەرای نیەێد، و فرە لە رسوومەیلی وەتاکانە کریەێد نەک وە کۆمەڵی.
رەجەب عاسی(٤٢ ساڵان) لە ک خوەی لە کاکیەیل قەزای داقوق لە پارێزگای کرکوکە و وەرپرس رێکخراو میسرا ئەرا ئەوزەڵی و کەلتور یارسانیە ئەرا ئاژانس شەفەق نیوز ئووشێد:خەڵک ئایەن کاکەیی شوون تایبەت ئەرا پەرستگاهی نەیرن جوور مزگەفت یا کلیسە.
عاسی هەمیش ئووشێد: کاکەییەگان جوور بسەڵمانەگان روی کەنە قیبلە، و ئەیزیەگان پەرستگاه لالەش دیرن، و ئیمە (بریدور) دیریمن ک سوڵتان سوهاک لەناوی وەخاکسپاریاگە، ک شوون پیرووزیگە مەردم ئەرای حەج کەن، و بردیور هالە نزیک دووئاو لە نوسو لە ناوچەی هەورامان لە پارێزگای کەرمانشاه ئیران.
سوڵتان ساهاک کوردی ک لەلای لایەنگرەیل ئاین یارسانی پیرووزە، وناوی سوڵتان سادقە لە داڵگبوی سەدەی چواردەهەمە، و لە سەدەی پانزەهەم مردگە، سەرکردەی کورد ئاینییگ بوی، و ری رووحانی ئەرا یارسانیەگان دامەزران، و سوڵتان ساهاک جوور ئاوینەیگە ک گەوهەر خودایی لەلایەن یارسانیەگان دەرچوود و ئاشکرای قۆناغ چوارەم لە ئاینەگە کەێد.
و ئاماژە کەێد ک ئاین یارسانی رسوومەیل دیاریکریاگەیلیگ دیرن، لەلیان رسوومەیل رووژیگردن ک کەفێدە چلەی زمسان و لە دویای سێ رووژ لە رووژیەگە بوودە جەژن.
هەمیش دیاریکەێد ک ئاین یارسانی لەبان لایەنگرەیلی بەسیاگە، و بیحە ئەوانەگ لە بنەماڵەیگ یارسانی پەیا بوینە ئەرایان نیە بانە ناو ئی ئاینە، چوونکە ئی ئاینە کار لە بانگوازی نیەکەێد، بەڵکم رێز لە گشت ئاینەگان وەیەکسانی گرێد، ئەراوە ئاشکرای رسوومەیلیان نیەکەن.
و جەخت کەێد ک یارسانی ئاینیگ سەروەخوەیە، وهەرکەس بووشێد یارسانیەگان بسەڵمانن راس نیەووشێد، و مەزەنەگەێد ک شایەت لە رخەو بووشن ئیمە بسەڵمانیمن، ک جوور مقیەتی کردنیگە لەوەر شەپۆلەیلیگ توندڕەو لەناو ئەو ئاینەگان، و هەمیش بەشیگ لەلیان ویجدان خوەیان فرووشتن و وتن یارسانیەگان شیعەن ئەرا دەسکەفتەیلەگ لە بەشیگ لە لایەنە سیاسیەگان لە عراق.
