ئەنجومەن وەزیران هەرێم کوردستان گردەوبوون
شەفەق نیوز/ بڕیارە رووژ چوارشەممە ئەنجومەن وەزیران هەرێم کوردستان گردەو بوود ئەڕا گفتوگوو کردن دەربارەی چەن باوەتیگ ناوخۆیی و پەیوەندی هەولێر وبەغدا.
قسەکەر وەناو حکومەت کوردستان لە بەیاننامەیگ وت: ئمڕوو حکومەتەگە گردەو بوود ئەراباسکردن لە چەن پرسیگ کە دیارترینیان دانوستان چارەسەرکردن گرفتە گیرهاتگەیل نێوان هەولێر وبەغدادە .
ئەنجومەنەگە هەمیش باس گامەیل یاسای خاسەوکردن لەهەرێمەگە کەێد وشیوەی جیوەجی کردنی وهەمیش لە باوەتەیلیگ پەیوەندی وە ناوخۆی هەرێمەگە دیرێد.
مەسرور بارزانی سەرۆک حکومەت هەرێم کوردستان رووژ سێشەممە گردەو بوی وەگەرد شاند دانوستانەگە وەل حکومەت فیدڕاڵی ،لە ری تەلەفزیۆن بەسریاگ وە سیستەم (فیدیۆ کۆنفرانس ).
بەیاننامەیگ حکومەتی وت ، قوباد تاڵەبانی لەسەرەتای کۆبونەوەگە باس لە سەردان شاندەگەی هەرێم کوردستان کرد ئەرا بەغداد لە هەفتەی گوزەیشتە ، وئەنجام وتویژینەوەگان وەگەرد حکومەت فیدڕاڵی و پێشنیارەگان ئەرا چارەسەر کردن کێشەو گرفتەگان لە ناوبەین هەردگلا .
بەیاننامەگە لە زوان بارزانیەو وت: هەرێم کوردستان وەردەوامە لە وتووێژ کردن وەگەرد بەغدا وەئامانج ڕەسین وە رێککەفتنیگ ک تەواو مافە دەستوریەگان هەرێم بیەید ، دوپاتیش کرد ک هەرێم کوردستان مكوڕه لەوەرگری کردن لە مافە دەستووریه‌گانی وهیچ وەختیگ پەشیمانەو نیه‌ود لە داواگەی .
شاند هەرێم کوردستان وە سەرپەرشتی قوباد تاڵەبانی جێگر سەرۆک وەزیران هەرێم کوردستان رووژ سێشەمەی گوزەیشتە وە ئامانج تەواوکردن گفتگوه‌یل وەرین سەردان بەغداد کرد ك ئەوەیش سێیەم سەردانە وەی شێوە ، کە تایبەتە وە چارەسەرکردن کێشەو گرفتەگان وەگەرد حکومەت ناوەندی.
وەرجە ئەوە هەمیش سەردان هەرێم كوردستان بوی کە نیچیرڤان بارزانی وەگەرد هەر سێ سەرۆکایه‌تیه‌گە گردەو بوی ، وهەمیش وەگەرد سەرۆک هێز ولایەنە سیاسیەگان لە بەغدا .
وەرجە ئه‌وەیش حکومەت هەرێم دوو سەردان ئەنجام دا ئەرا بەغداد دوای ئەوەی حکومەت ناوەندی وەرین وە سەرۆکایەتی عادل عبد المهدی مووچەی فەرمانبەران و کارگەران لە کەرت گشتی لە هەرێم کوردستان وسان .
کێشەو گرفتەگان نێوان هەولێر وبەغداد بریتین لە بودجەی هەرێم کوردسان لە بودجەی گشتی عێراق ،مووچەی هێزەگان پێشمەرگە ، هەناردن نەفت ،وناوچە کێشە لەسەرەگان کە مادەی ۱٤۰ گرێده‌و لە دەستور هه‌میشه‌یی عێراق.
حکومەت هەرێم کوردستان لە شوین و کات جیواز ئامادەیی خۆی نشان داس ئەرا ناردن ۲٥۰ هەزار بەرمیل نەفت خام وەرانوەر وە ناردن مووچەی فەرمانبەران هەرێم کە مانگانە بوودە ٤٥۰ ملیار دینار .
