ئەمریکا ئامادەیی خوەی نشان دەێد ئەرا پشتگیری کوردستان لە بوار گەشەی ئابووری
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، پێشوازی کرد لە رۆب ووڵر قونسڵ گشتی نوو ئەمریکی لە هەرێم کوردستان.
لە چەوپیکەفتنەگە باس کریا لە دویاترین رویداده‌یل لە روش عراق و ناوچەگە، و هەمیش باسکریا لە ریەیل بتەو کردن پەیوەندیە دوانیەگان ناوبەین هەرێم کوردستان و ئەمریکا. خوازی سەرکەفتن ئەرای خواست لە ئەرکە نووەگانی وەئەوگ پشتگیری پەیوەندیە باوەگان بکەێد و بنەڕەت هاوکاری ناوبەین ئەمریکا و هەرێم کوردستان بچنێد، و هەمیش سەرۆک حکومەت پێروزبایی کرد لە ستیڤین فیگن قونسڵ گشتی وەرینەگە ئەرا وەرگردن ئەرکە نووەگەی لە بالیۆزخانەی ئەمریکا لە بەغداد، و هیوای سەرکەفتن ئه‌رای خواست لە وەرپرسایەتیە نووەگەی.
قونسڵ گشتیه نووەگەی ئه‌مریکا ئاماژە دا وە گرنگی بتەوکردن پەیوەندیەگان ناوبەین ئەمریکا وعراق و هەرێم کوردستان، و ئامادەیی وڵاتەگەی نشاندا ئەرا پێشکەشکردن پشتگیری لە هەرێم کوردستان لە باوه‌ت گەشەی ئابووری وەتایبەت لە کەرتەیل وزە و کشتوکاڵ.
