ئەرا کەرەنتین تووشهاتگەیل کۆڕۆنا ، هەولێر پەنا بەێدە بەشە ناوخۆیەگان

شەفەق نیوز/ فەرمانگەی تەندروسی هەولێر، ئمڕوو چوارشەممە، راگەیان لە پەنابردن وە بەشە ناوخۆیەگان ئەرا کەرەنتین تووشاگەیل کۆڕۆنا دویای زیایبوین هەژماریان.
دکتۆر پەژار موسا قسەکەر وەناو تەندروسی هەولێر ئەرا ئاژانس شەفەق نیوز وت: ٣٨٤ تووشهاتگ ڤایڕۆس کۆڕۆنا ئیسە خەفتنەسە ناو خەسەخانەیل شارەگە، و فرەیان رەوشیان ئارامە.
وتیش؛ وەلی لەوەر زیایبوین تووشهاتگەیل، ناچاریمن لە سووەو بەش ناوخۆی ١٨ شوبات جوور ناوەندیگ ئەرا کەرەنتین تەندروسی وەکارباریمن ئەرا تووشهاتگه‌ سووکەگان.
وەزارەت تەندروسی لە هەرێم کوردستان، دویەکە سێشەممە، تۆمارکردن ١١ مردگ و ٢٩٩ تووشهاتگ نوو وەڤایڕۆس کۆڕۆنا لە ماوەی ٢٤ ساعەت وەرین راگەیان.