ئیران وەرەو راپەڕین ورسگەیل چوود
شەفەق نیوز/ سەعید نه‌مەکی وەزیر تەندروسی ئیران، هووشداریدا لە قه‌ومانن راپەڕین ورسگەیل لە ئەنجام خراوبوین رەوش ژیان وگوزران لە سای بڵاوبوین پەتای کۆڕۆنا.
نه‌مەکی لە وتاریگ لەناو کۆبونەوەی سه‌رۆكایه‌تی ئەنجومەن دژە کۆڕۆنا لە تەهران پایتەخت وت: وەزارەتەگە پەیوەندیدارە لە باوەتە تەندروسیەگان لە 31 پارێزگای ئیرانی تەهران لەناویانە، وئاماژەدا ک وەزارەتەگە پەیوەندیدارە وە باوەتەیل تەندروسی، وەلی حکومەتەگە داوا لە وەزارەتەگە کەێد گرنگی بەێدە رەوش گوزه‌ران مه‌ردم.
وتیش ئاسایش خوەراک لە باوەتەیل گرنگە و شایەت ورسگەیل لە ئیران راپەڕین بکەن.
لە رەخنە گردنیگ لە قسەی حەسەن روحانی سەرۆک کۆمار لەناونی هەردوگیان، وەزیرەگە وت: لە جیای ئەوە دڵنیای من بکەێد و داوا لەلیم بکەێد گرنگی بیەمە رەوشە تەندروسیەگە ک خوەی گەوهەر ئەرکمانە، وەپیم ئووشێد بایەسە گرنگی بیەینە رووژ گوزرانی مه‌ردم.
