ئه‌وقاف كوردستان خوازیار وسانن دروسكردن گۆمه‌زه‌يل تازه‌س ئه‌ڕا ئاین ئێزدی
بوزانی له لێدوان تایبه‌تێگ ئه‌ڕا (شه‌فه‌ق نیوز) زیاتر وتگه: فه‌رمانگه‌گه‌ێ وه‌نگه‌رانیه‌و په‌یجووری ئه‌و دیارده ئه‌كا و یه‌یش خستگه‌سه ڕوی ك ئاین ئێزیدی جوور ئاینه‌یل مه‌سیحی و ئسلامی ڕێ و بناكردن جامع و كلیسا له هه‌ر وه‌خت و شوونێگ ئه‌یا.
له دريژه‌ێ قسیه‌یله‌گه‌ێ وتگه: بڕگه‌یلێگ له ئاین ئێزیدی هه‌ن ك ڕێ نایه‌ن وه‌بێ ڕه‌زامه‌ندی مه‌رجعه‌یل كه‌سێگ گۆمه‌ز زیاگ بكا، ته‌نانه‌ت ئه‌ڕا تازه‌وه‌كردن گۆمه‌زه كويه‌نه‌گانيش.
بوزانی جه‌خت كردگه ، له‌ێ دویاخره وه پشتگیری بڕێگ حزبه‌یل سیاسی و ئه‌ڕا وه‌ده‌سهاوردن پشتگیری ئێزیده‌یل چه‌ن لاێه‌نێگ ده‌سكردنه‌سه دروسكردن دو گۆمه‌ز له نزیك مه‌زار شیبل قاسم له ناوچه‌ێ شه‌نگال، وه‌بێ ئه‌وه‌گ ڕه‌زامه‌ندی له ئه‌نجومه‌ن باڵاێ ڕوحانی وه‌ده‌س بیه‌رن.
ناوبریاگ وه‌ناو وه‌ڕێه‌وبه‌راێه‌تی گشتی كاروبار ئێزیدیه‌یل له وه‌زاره‌ت ئه‌وقاف، داوا كردێه كار دروسكردن ئه‌و گۆمه‌زه‌يله وه‌شێوه‌ێ فه‌وری بووسنن، تا نه‌دێده نه‌ریتێگ و ئاین ئێزیدی بشێویه‌ێد. هه‌میش له ئه‌نجومه‌ن باڵاێ ئێزیدیه‌یل داوا كردگه نواێ ئه‌و كاره‌یله بگرێ.
