ئه‌مريكا پشتگيرى گفتگوو ناونى هه‌ولێر و به‌غدا ئه‌كاو هه‌رێم وه هاوپه‌يمان "گرنگ" زانێد
شه‌فه‌ق نيوز/ شاند ئه‌مريكى وه سه‌رۆكايه‌تى رۆبه‌رت كه‌ريم راوێژكار سه‌رۆك كۆماريه‌يل له ئه‌نجومه‌ن پيره‌يل ئه‌مريكى، پشتگيرى خوه‌ى ده‌رخست ئه‌را پرووسه‌ى گفتگوو ناونى حكومه‌ت هه‌رێم كوردستان و حكومه‌ت ناوه‌ندى و جه‌خت له‌وه كرد ئه‌مريكا باوه‌ڕى ئه‌وه‌سه هه‌رێم كوردستان هاوپه‌يمانيگ گرنگه له ناوچه‌گه.
سه‌رۆكايه‌تى حكومه‌ت هه‌رێم كوردستان له به‌ياننامه‌يگ ئه‌را شه‌فه‌ق نيوز وت: مه‌سرور بارزانى سه‌رۆك حكومه‌ت وه ئاماده‌بوين قوباد تاڵه‌بانى جيگرى پيشوازى له شانديگ ئه‌مريكى كردگه وه سه‌رۆكايه‌تى رۆبه‌رت كه‌ريم راوێژكار سه‌رۆك كۆماريه‌يل له ئه‌نجومه‌ن پيره‌يل ئه‌مريكى و له‌و ديداره باس له دوايين رويداگه‌يل عراق و ناوچه‌گه كرياگه وه‌ل جه‌ختكردن له وه‌رده‌وامى ده‌سميه‌تداين حكومه‌ت هه‌رێم وه‌تايبه‌ت هيزه‌يل پێشمه‌رگه و هه‌ماهه‌نگى وه‌ل هيزه‌يل عراقى له‌وه‌ر روێ وه‌ڕوێ بوينه‌وه‌ى تيرۆريسته‌يل داعش.
به‌ياننامه‌گه هه‌ميش وت: شاند ميوان پشتگيرى خوه‌ى ده‌رخستگه ئه‌را پرووسه‌ى گفتگوو له‌ناونى حكومه‌ت هه‌رێم كوردستان و حكومه‌ت ناوه‌ندى.
