ئه‌مريكا وه‌فه‌رمێ له‌سێداره‌داين 9 كورده‌ مه‌ده‌نيه‌گه‌ ئدانه‌ كرد

ئه‌مريكا وه‌فه‌رمێ له‌سێداره‌داين 9 كورده‌ مه‌ده‌نيه‌گه‌ ئدانه‌ كرد
2019-10-15T10:31:22+00:00

شه‌فه‌ق نيوز/ كاردانه‌وه‌ى فريه‌يگ له‌باره‌ى له‌سێداره‌داين 9 كورده‌ مه‌ده‌نيه‌گه‌ له‌ باكوور خوه‌رهه‌ڵات سوريا كه‌فته‌و، له‌ناونيانيش هه‌فرين خه‌ڵه‌ف سياسه‌تمه‌دار كورد ك له‌تى چه‌كداره‌يل سوورى وه‌ پشتگيرى له‌ توركياوه‌ تومه‌تباره‌ له‌ چوارچێوه‌ى په‌لاماره‌يل سه‌ربازێ توركى.

 

وڵاته‌يل يه‌كرتگ ئدانه‌ى كوشتن هه‌فرين خه‌ڵه‌ف ئه‌ميندار گشتى حزب سورياى سه‌روه‌خوه‌ى وه‌ تونترين گوزارشيگ كرد و وه‌ئه‌ويش تاريفى كرد ك ئه‌و كوشتنه‌ له‌ده‌يشت بڕياره‌يل دادگا بويه‌.

 

وه‌رپرسيگ له‌ وه‌زاره‌ت خارجيه‌ى ئه‌مريكى ك نه‌تواس ناوى ئاشكرا بدێ، وت: ئى كاره‌يله‌ جى نگه‌رانى فريه‌يگه‌ وه‌تايبه‌ت ئه‌وه‌گ له‌ سوريا روێ ئه‌ياد و وه‌تونترين گوزارشيگ ئدانه‌ى خراوى مامڵه‌كردن وه‌ل مه‌ده‌نيه‌يل يا زيندانيه‌يل ده‌يشت چوارچيوه‌ى دادگا ئه‌كه‌يم و له‌وانه‌يش كوشتن كورده‌يل مه‌ده‌نى.

Shafaq Live
Shafaq Live