ئه‌مريكا له‌باره‌ى له‌سێداره‌داين و وه‌ديلگرتن كورد له‌ سوريا فريه‌ نيگه‌رانه‌

ئه‌مريكا له‌باره‌ى له‌سێداره‌داين و وه‌ديلگرتن كورد له‌ سوريا فريه‌ نيگه‌رانه‌
2019-10-13T20:39:08+00:00

شه‌فه‌ق نيوز/ قسه‌كه‌ر وه‌ناو وه‌زاره‌ت خارجيه‌ى ئه‌مريكا، باس له‌وه‌ كرد وڵاته‌گه‌ێ وه‌ نيگه‌رانى فريه‌يگه‌و نوڕێده‌ ئه‌و راپۆرته‌يله‌ ك ئاماژه‌ وه‌ گوله‌وارانكردن ژنه‌ سياسه‌تمه‌داريگ كورد و خيزان جه‌نگاوه‌ره‌يل كورد ئه‌كه‌ن له‌ باكوور خوه‌رئاواى سوريا.

 

قسه‌كه‌ر وه‌ناو خارجيه‌ى ئه‌مريكا له‌ كۆنفرانسێكی رۆژنامه‌وانى وت: ئه‌و راپۆرته‌يله‌ فريه‌ جيگه‌ى نيگه‌رانيين و به‌ڵگه‌ن ئه‌را نه‌وين سه‌قامگيرى له‌ ناوچه‌ى باكوور خوه‌رهه‌ڵات سوريا له‌و وه‌خته‌يله‌و ك توركيا په‌لاماره‌يلێ ده‌سوه‌پيكردگه‌.

 

جه‌ختيش له‌وه‌ كرد واشنتۆن وه‌ تونى ئدانه‌ى ئه‌و كرده‌وه‌يل له‌سێداره‌داين مه‌ده‌نيه‌يل و زيندانيه‌يله‌ ئه‌كا له‌ ده‌يشت حوكم دادگاو دادوه‌رێ.

 

جى باسه‌، چه‌ودێر سوريا ئه‌را مافه‌يل ئاده‌ميزاد باس له‌وه‌ كرد گوله‌وارانكردن ئه‌و 9 هاووڵاتيه‌ ك كه‌فتنه‌سه‌ كه‌مينيگ فه‌سيله‌يل ئۆپۆزسيۆن سوريا، له‌ ئاست جه‌هانييه‌و وه‌ بايه‌خه‌و رويماڵ كرياگه‌ ك له‌لايه‌ن چاودير ناوبرياگه‌و گرته‌ ڤيديۆگه‌ى بڵاو كرياگه‌.

Shafaq Live
Shafaq Live