ئه‌را په‌نجه‌م رووژه.. هويچ تويشبوينيگ وه كۆرۆنا له كوردستان نيه
2020-04-22T21:44:10+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى تۆمارنه‌كردن تويشبوين تازه وه ڤايرۆس كۆرۆنا كرد له ماوه‌ى 24 سه‌عات گوزه‌يشت، ئه‌ويش ئه‌را په‌نجه‌م رووژ له‌بان يه‌ك.
وه‌زاره‌ته‌گه له‌به‌ياننامه‌يگ ئه‌را شه‌فه‌ق نيوز وت: شماره‌ى ئه‌و كه‌سه‌يله ك له كه‌ره‌نتينه بوينه (8410) كه‌س بوينه‌و ئيسه (1491) كه‌س له‌ليان مه‌نده‌سه‌و له (32)شوون، ك (417) له‌ليان له هه‌ولێر و (219) له‌ليان له سلێمانى و (826) له‌ليان له دهۆك و (29) له‌ليان له راپه‌ڕينن.
وه‌زاره‌ته‌گه يه‌يش ده‌رخست (6919) كه‌س له كه‌ره‌نتينه ده‌رچينه دوياى ئه‌وه‌گ 14 رووژ له‌تى وه‌سه‌ر بردنه و ئاماژه وه‌يه‌يش كرد له ماوه‌ى 24 سه‌عات گوزه‌يشت (63) كه‌س كه‌ره‌نتين كريانه.
