ئاماريگ فه‌رمى ئاواره‌بوين تازه‌يگ له‌ شاره‌يل عراقه‌و وه‌ره‌و كوردستان ئاشكرا كرد

ئاماريگ فه‌رمى ئاواره‌بوين تازه‌يگ له‌ شاره‌يل عراقه‌و وه‌ره‌و كوردستان ئاشكرا كرد
2019-07-23T19:45:43+00:00

شه‌فه‌ق نيوز/ وه‌گووره‌ى دويا ئاماريگ ك له‌لايه‌ن ده‌زگاى خێرخوازى بارزانييه‌و ئاشكرا كريا، نزيكه‌ى شه‌ش هه‌زار كه‌س له‌ ناوچه‌يليگ له‌ عراقه‌و ئاواره‌ى كه‌مپه‌يل بوينه‌ له‌ هه‌رێم كوردستان له‌ماوه‌ى نيمه‌ى يه‌كه‌م ئمساڵ 2019.

 

وه‌گووره‌ى ئه‌و ئاماره‌ ك له‌لايه‌ن ده‌زگاى خێرخوازى بارزانييه‌و بڵاو كريا، شماره‌ى ئه‌و خيزانه‌يله‌ ك هاتنه‌سه‌و ئه‌را كه‌مپ ئاواره‌يل له‌ماوه‌ى ناوبرياێ وه‌ نزيكه‌ى هه‌زار و 586 خيزان مه‌زه‌نه‌ ئه‌كريه‌ێد.

 

ده‌زگاگه‌ ئاواره‌بوين چه‌واشه‌يش ئه‌را 301 خيزان ده‌رخستگه‌ ك شماره‌ێ ئه‌ندامه‌يليان 1263 كه‌سه‌و روێ له‌ كه‌مپه‌يل هه‌رێم كردنه‌ له‌وه‌ر بارودوخ ئه‌منى له‌ بڕيگ له‌ ناوچه‌يل عراق.

 

جى باسه‌، ئامار فه‌رمى ئاماژه‌ وه‌يه‌يش ئه‌كا ك حاڵ حازر نزيكه‌ى يه‌ك مليۆن و 250 هه‌زار ئاواره‌ى عراقى و 275 هه‌زار په‌نابه‌ر له‌ وڵاته‌يل هاوساوه‌ له‌ هه‌رێم كوردستان وجوود ديرن.

Shafaq Live
Shafaq Live