5 مردن و 182 تويشبوين تازه‌ وه‌ كۆرۆنا له‌ كوردستان تۆمار كريا

5 مردن و 182 تويشبوين تازه‌ وه‌ كۆرۆنا له‌ كوردستان تۆمار كريا
2020-06-16T21:36:56+00:00

شه‌فه‌ق نيوز/ وه‌زاره‌ت ته‌ندروستى له‌ حكومه‌ت هه‌رێم كوردستان، ئاشكراى تۆماركردن 5 حاڵ مردن و تويشبوين 182 حاڵه‌ت وه‌ ڤايرۆس كۆرۆنا كرد له‌ ماوه‌ى 24 سه‌عات گوزه‌يشت.

وه‌زاره‌ته‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: 48 كه‌س تازه‌ له‌ ماوه‌ى 24 سه‌عات گوزه‌يشت كه‌ره‌نتين كريانه‌ و تائيسه‌يش 1134 كه‌س له‌ كه‌ره‌نتين وجوود ديرن له‌ 36 شوون جياجيا له‌ناونيان(238)له‌ هه‌ولێر و (9) له‌ سلێمانى و(887)له‌ دهۆك.

باس له‌وه‌يش كرد له‌ ماوه‌ى 24 سه‌عات گوزه‌يشت (1970) وشكانن تازه‌ ئه‌نجام درياگه‌، له‌ناونيان(647) وشكانن له‌ هه‌ولێر و (611)له‌ سلێمانى و (136) له‌ گه‌رميان و (110) له‌راپه‌ڕين، باس له‌وه‌يش كرد نه‌تيجه‌ى(182) وشكانن ده‌رچيه‌، له‌ناونيان(30)له‌ هه‌ولێر و (107) له‌ سلێمانى و (4) له‌ گه‌رميان(41) له‌ راپه‌ڕين.

ئاشكرايشى كرد(68)كه‌س خاسه‌و بوينه‌ وه‌ ته‌واوى، 38 له‌ هه‌ولێر، 21 له‌ گه‌رميان، 9 له‌ دهۆك.

يه‌يش ده‌رخست په‌نج حاڵه‌ت مردنيش تۆمار كريانه‌و گشتيانيش له‌ سلێمانى بوينه‌.

Shafaq Live
Shafaq Live